"ქართული ოცნების" თავმჯდომარე, ექსპრემიერი ბიძინა ივანიშვილი, შესაძლოა, ხვალ გარკვეული პაუზის შემდეგ საზოგადოების წინაშე ისევ წარსდგეს. მასთან მოლაპარაკებას საზოგადოებრივი მაუწყებელი მართავს, რათა ხვალ მაკა ცინცაძის გადაცემის სტუმარი იყოს, თუმცა საბოლოო პასუხი მაუწყებელს ივანიშვილისგან ჯერ არ აქვს.

"ამ წუთის მონაცემებით არ შემიძლია რომ დაგიდასტუროთ, იქიდან გამომდინარე, რომ ჯერ მხოლოდ მოლაპარაკების რეჟიმში ვართ. იქნება თუ არა თანხმობა ჯერ არ ვიცით. მისგან საბოლოო პასუხი ჯერ არ გვაქვს", - უთხრა "აიპრესს" გიორგი გვიმრაძემ.