საქართველოს საგანგებო და სრულუფლებიანი ელჩისსაბერძნეთსა და სერბეთში იოსებ ნანობაშვილის თქმით,საბერძნეთში მომხდარი მასშტაბური ხანძრის შედეგადგარდაცვლილთა და დაშავებულთა ბაზაში ამ დროისთვისსაქართველოს მოქალაქეები არ არიან.  სხვადასხვა სახის დაზიანებები მიიღო 6 ქართველმა, თუმცა ისინი ჰოსპიტალიზირებულნი არ არიან და მკურნალობას ადგილზე გადიან:

"იყო ერთი ზარი, რომელიც სავარაუდოდ, არ უკავშირდება ხანძარს, ამ სპეციფიკურ პიროვნებას ვეძებთ კონკრეტული მიმართულებით. ინფორმაცია მოწმდება დღეში ორჯერ. შინაგან საქმეთა სამინისტროს ბაზაში არც ერთი ქართველი არ ფიქსირდება, რომელიც შეიძლება იყოს გარდაცვლილი ან ჰოსპიტალიზირებული. 6-ს აქვს სხვადასხვა ხარისხის დაზიანება, თუმცა ისინი მკურნალობას ადგილზე გადიან", - განაცხადა იოსებ ნანობაშვილმა.