(რეზონანსი) 33 მომხრე და 2 წინააღმდეგ - თბილისის საკრებულომ ტაქსების რეგულაციის წესი დაამტკიცა.

ტაქსების რეგულაცია ორ ეტაპად განხორციელდება. ლიცენზიის აღების მსურველებს რეგისტრაციის გავლა პირველი აგვისტოდან მოუწევთ. მარტივი ლიცენზია მძღოლებს 50-დან 100 ლარამდე დაუჯდებათ.

პირველ ეტაპზე მძღოლი ვალდებულია, რომ ავტომობილის სახურავის შუა ნაწილზე ყვითელი მანიშნებელი ნიშანი განათავსოს. მეორე ეტაპი კი 2019 წლის ბოლოდან ამოქმედდება და ის მანქანების ერთ ფერად გადაღებვას და მარჯვენასაჭიანი ავტომობილების აკრძალვას შეეხება.