თბილისში ახალი თაღლითური ჯგუფი გამოავლინეს. სამკაციანი დაჯგუფება მოქალაქეებს ფსიქოლოგიური ზეწოლის შედეგად, საკუთარი ნივთების დალომბარდებას აიძულებს და თანხას ითვისებს. ერთ-ერთი ფაქტი ყაზბეგის გამზირზე გუშინ მოხდა.

სავარაუდო დამნაშავეებმა მოქალაქეს ძვირადღირებული ტელეფონი, იქვე მდებარე ერთ-ერთ ლომბარდში ჩააბარებინეს. პოლიციამ სათვალთვალო კამერებიდან ვიდეოჩანაწერები ამოიღო.

დამნაშავეები უკვე იდენტიფიცირებულები არიან. შინაგან საქმეთა სამინისტროს ინფორმაციით, საქმეზე გამოძიება თაღლითობის მუხლით მიმდინარეობს.