(რეზონანსი) საფრანგეთში, ქალაქ ბრიოლში კოღოები აკრძალეს.

მედიაში გავრცელებული ინფორმაციით, ადგილობრივმა მაცხოვრებლებმა მერს ქალაქში გავრცელებული კოღოების წინააღმდეგ ზომების მიღება სთხოვეს, რომელსაც მერი სპეციალური განკარგულებით გამოეხმაურა და ქალაქში კოღოები აკრძალა. მერმა შესაბამის სამსახურებს დაავალა კოღოების დამჭერი ბადეები ქალაქის კოშკთან, ბაღებთან, სკოლებთან და საზოგადოების თავშეყრის ადგილებში განათავსონ.

„ამ კომიკური განკარგულებით მე მინდა მოსახლეობას ავუხსნა, რომ კოღოების წინააღმდეგ უძლური ვარ. ბევრს ეს განკარგულება სასაცილოდაც მოეჩვენა", - ამბობს მერი.

მისი თქმით, მართალია მისი განკარგულების შემდეგ კოღოების რაოდენობა შემცირდა, თუმცა ეს რა თქმა უნდა განკარგულებას არ უკავშირდება.