აშშ-ის პრეზიდენტმა დონალდ ტრამპმა ტყის მასივებში მასშტაბური ხანძრის გამო, კალიფორნიის შტატში საგანგებო მდგომარეობა გამოაცხადა. საგანგებო რეჟიმი შტატისთვის ფედერალური, ფინანსური დახმარების გაწევის შესაძლებლობას იძლევა.

ამ დროისთვის სტიქიამ 20 ათასამდე ჰექტარი მოიცვა. ხანძარი ლოკალიზებულია მხოლოდ ფართობის 5%-ზე. ტერიტორიიდან ევაკუირებულია 12 ათასზე მეტი მცხოვრები. სტიქიას ორი ადამიანი უკვე ემსხვერპლა. ორივე მათგანი მეხანძრეა.