(რეზონანსი) ყოფილი რუსი ორმაგი აგენტის სერგეი სკრიპალისა და მისი ქალიშვილის იულიას მოწამვლაში ორი რუსული ჯგუფი მონაწილეობდა.
„სანდეი მირორის" ინფორმაციით, გამოძიებამ დაასკვნა, რომ ერთ-ერთი ჯგუფის წევრებმა ნერვულ-პარალიტიკური შხამი „ნოვიჩოკი" დიდ ბრიტანეთში, სკრიპალების მოწამვლამდე გაცილებით ადრე ჩაიტანეს.
გამოძიების ცნობით, დაქირავებულმა მკვლელებმა „ნოვიჩოკი" სწორედ სუნამოს ფლაკონით ჩაიტანეს. სამართალდამცავები არ გამორიცხავენ, რომ ნერვულ-პარალიტიკური შხამი შესაძლოა, კიდევ რჩებოდეს დიდი ბრიტანეთის ტერიტორიაზე.
ადგილობრივი მედიის ცნობით, სკრიპალები სავარაუდოდ, რუსეთის დაზვერვის ექვსმა ოფიცერმა მოწამლა, მათ შორის ერთი ქალი იყო.