საკონსტიტუციო სასამართლომ მარიხუანის მოხმარებაზე ყველა სანქციის გაუქმების შესახებ პარტია „გირჩის” სარჩელი დააკმაყოფილა. სასამართლომ მიიჩნია, რომ მარიხუანის მოხმარებისთვის არსებული ყველა სანქცია არაკონსტიტუციურია. ასეთმა პოზიციამ უმრავლესობის დეპუტატებიც გააღიზიანა. "ქართული ოცნების" წევრი ლევან კობერიძე სასამართლოს პასუხს სთხოვს:

"საკონსტიტუციო სასამართლომ კეთილი ინებოს და განმარტოს თავის გადაწყვეტილება მარიხუანის ფაქტობრივ ლეგალიზებასთან დაკავშირებით", – ამის შესახებ საპარლამენტო უმრავლესობის დეპუტატმა საჯაროდ დაწერა.

გარდა ამისა, სასამართლოს მიერ, მარიხუანის ლეგალიზებასთან დაკავშირებით მიღებულმა გადაწყვეტილებამ საზოგადოების ერთი ნაწილი უკიდურესად აღაშფოთა.