ავტოსატრანსპორტო საშუალებების სავალდებულო ტექნიკური ინსპექტირების მეორე ეტაპი 1 ივლისიდან დაიწყო და ეტაპობრივად მიმდინარეობს.

ეკონომიკის სამინისტროს სსიპ "სახმელეთო ტრანსპორტის სააგენტომ" გაავრცელა ინფორმაცია, რომლის მიხედვით, ბოლო მონაცემებით, ინსპექტირება მიმდინარე წელს საერთო ჯამში გაიარა 50 994-მა ავტოსატრანსპორტო საშუალებამ, მათ შორის, შემოწმდა იურიდიული პირების კუთვნილი - 14 598 ავტომობილი.

იმ ავტოსატრანსპორტო საშუალებებს შორის, რომელთაც ტექინსპექტირება გაიარეს, გამართული იყო 37 722 (73.97%).

ინსპექტირების დროს ხარვეზი აღმოჩნდა 11 883, ანუ 23.30%-ის შემთხვევაში. განმეორებითი ტექინსპექტირება გაიარა 8 403-მა ავტოსატრანსპორტო საშუალებამ, ანუ 70.71%-მა. განმეორებითი შემოწმებისას ისევ ხარვეზი აღმოჩნდა 365 (4.343%).

გზაზე გადაადგილება აეკრძალა 1 389 ავტოსატრანსპორტო საშუალებას, რაც 2.723%-ს შეადგენს.

ამასთან ცნობილია, რომ საპატრულო პოლიცია უკვე ახდენს იმ კატეგორიის ავტომობილების გადამოწმებას და დაჯარიმებას, რომლებზეც ვრცელდება პერიოდული ტექნიკური ინსპექტირების ვალდებულება.

2019 წლის 1 იანვრიდან, პერიოდული ტექნიკური ინსპექტირება ყველა კატეგორიის ავტოსატრანსპორტო საშუალებებზე გავრცელდება.

ეკონომიკის სამინისტროს მონაცემების მიხედვით, საქართველოში არსებული ავტოპარკის თითქმის ნახევარი 20 წელზე მეტი ხნის არის.

სამინისტროს მონაცემების თანახმად, ავტოპარკი სულ 413 816 მანქანისგან შედგება. აქედან, 3-წლამდე ავტომობილების რაოდენობა 1,3%-ია (11 695), 4-დან 6-წლამდე - 2,3% (20 691), 7-დან 10-წლამდე - 5,4% (48 578), 11-დან 20-წლამდე - 45% (404 820) და 20 წელზე ზემოთ - 46% (413 816).

1 ივლისიდან სავალდებულო გახდა სახელმწიფო ავტოპარკისა და იურიდიული პირების საკუთრებაში არსებული ავტოსატრანსპორტო საშუალებების ტექდათვალიერება.

ერთი მსუბუქი ავტომობილის შემოწმება 60 ლარი ღირს, სატვირთოსი კი - 100 ლარი.

აუდიტის კვლევის მიხედვით, საქართველოში ჰაერის დაბინძურების 71% მანქანებზე მოდის.

ტექინსპექტირების გავლა საქართველოს მასშტაბით მოქმედ 32 აკრედიტებულ, პერიოდული ტექნიკური ინსპექტირების ცენტრშია შესაძლებელი. ში­ნა­გან საქ­მე­თა მი­ნის­ტრის მო­ად­გი­ლის, შალ­ვა ხუ­ციშ­ვი­ლის განცხადებით, ე.წ ჭკვი­ა­ნი კა­მე­რე­ბი, რომ­ლე­ბიც სა­ქარ­თვე­ლოს მას­შტა­ბით პირ­ვე­ლი ნო­ემ­ბრი­დან ­ჩა­ირ­თვე­ბა, იმ ავ­ტო­მო­ბი­ლე­ბის იდენ­ტი­ფი­ცი­რე­ბას მო­ახ­დენს, რომ­ლე­ბიც სა­ვალ­დე­ბუ­ლო ტექ­დათ­ვა­ლი­ე­რე­ბის გავ­ლას ექ­ვემ­დე­ბა­რე­ბი­ან და არ გა­უვ­ლი­ათ. ამის შე­სა­ხებ მი­ნის­ტრის მო­ად­გი­ლემ გა­ნა­ცხა­და."ჩვენ ამა­ზე უკვე აღარ დავ­ხარ­ჯავთ სა­პატ­რუ­ლო პო­ლი­ცი­ის რე­სურსს და აღ­სრუ­ლე­ბა უკვე მოხ­დე­ბა ტექ­ნო­ლო­გი­ე­ბის გა­მო­ყე­ნე­ბით" - გა­ნა­ცხა­და ხუ­ციშ­ვილ­მა გა­და­ცე­მა­ში "პი­რის­პირ".

მი­სი­ვე თქმით, სა­პატ­რუ­ლო პო­ლი­ცია აღ­სრუ­ლე­ბის პრო­ცეს­ში მხო­ლოდ გან­სა­კუთ­რე­ბულ შემ­თხვე­ვებ­ში ჩა­ე­რე­ვა.პირ­ვე­ლი ნო­ემ­ბრი­დან "სა­ქარ­თვე­ლოს ად­მი­ნის­ტრა­ცი­ულ სა­მარ­თალ­დარ­ღვე­ვა­თა კო­დექ­სის" თა­ნახ­მად ვი­დეო ჯა­რი­მე­ბის აღ­სრუ­ლე­ბის ახა­ლი წესი ამოქ­მედ­დე­ბა. ამას­თან, თბი­ლის­ში, გორ­ში, ხა­შურ­ში, ქუ­თა­ის­სა და ბა­თუმ­ში ე.წ ჭკვი­ა­ნი კა­მე­რე­ბი ამუ­შავ­დე­ბა.