(რეზონანსი) აგვისტო წვიმიანი დღეებით დაიწყო. დღეს საქართველოს დედაქალაქში +34 გრადუსი ფიქსირდება, მოსალოდნელია ხანმოკლე წვიმაც, ასევე ხანმოკლე წვიმებია ნავარაუდები მომდევნო დღეებშიც.

რაც შეეხება ზღვისპირეთს, გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 1-2 აგვისტოს აჭარის სანაპირო რაიონებში მოსალოდნელია უმეტესად ღრუბლიანი ამინდი, დროგამოშვებით წვიმა,ზოგან - ძლიერი.

იქროლებს ცვალებადი მიმართულების ქარი 10-15 მეტრი წამში.

ჰაერის ტემპერატურა სანაპირო რაიონებში იქნება: დღისით: 25 - 30 გრადუსი, ღამით კი 18 - 23 გრადუსი

ზღვის წყლის ტემპერატურა აჭარის სანაპიროზე 28 გრადუსია. ტალღის სიმაღლე 13-18 დმ - 4 ბალი.

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ცნობით, მომდევნო ორ დღეს მოსალოდნელია წვიმა, დროგამოშვებით - ძლიერი.