11 წლის ნიკოლოზ გუმბერიძეს „112“-ის გმირის წოდება მიენიჭა. საგანგებო სიტუაციების სამსახურის ცნობით, ნიკოლოზ გუმბერიძე 112-ს ბორჯომიდან დაუკავშირდა და დახმარება ითხოვა ქალისთვის, რომელსაც ლამპიონი დაეცა. ქალს თან ჩვილი ბავშვიც ახლდა.

"ნიკოლოზი არ დაიბნა და მიუხედავად ასეთი მძიმე შემთხვევისა, ოპერატორს დეტალური ინფორმაცია მიაწოდა. განსაკუთრებით აღსანიშნავია, რომ მან განმეორებითაც დარეკა და ოპერატიულად დახმარებისა და ქალბატონის გადარჩენისთვის დიდი მადლობა გადაუხადა „112“-ს", - წერია 112-ის "ფეისბუქზე".