ზესტაფონის მუნიციპალიტეტში, სოფელ შორაპანში გზის სავალ ნაწილზე მერსედესის ფირმის სატვირთო ავტომობილი გადაბრუნდა. შემთხვევის შედეგად არავინ დაშავებულა, თუმცა სატვირთოში მოთავსებილი ტრანზიტული ტვირთი, რომელიც აზერბაიჯანიდან თურქეთის მიმართულებით გადაჰქონდათ, გზაზე გაიბნა. ცენტრალური გზა რამდენიმე წუთის განმავლობაში ჩაკეტილი იყო.

რამდენიმე წუთის წინ გზის იგივე მონაკვეთზე ტრაილერი სამგზავრო მიკროავტობუსს დაეჯახა. მგზავრები არ დაშავებულან. ადგილზე მიმდინარეობს საგამოძიებო მოქმედებები. თვითმხილველები ამბობენ რომ ორივე შემთხვევის მიზეზი ნალექი და გზაზე ავტომობილის მოცურება გახდა.