გამოცდების ეროვნული ცენტრის ინფორმაციით, ქართულ ენასა და ლიტერატურაში, ასევე გეოგრაფიისა და მათემატიკაში გამოცდების შედეგები დღეს 12 საათზე გამოქვეყნდება.

მანამდე გამოცდების ეროვნულმა ცენტრმა 3 აგვისტოს უცხო ენების გამოცდების შედეგები გამოაქვეყნა,

1 დღით ადრე კი - ზოგადი უნარების გამოცდის შედეგები. წელს 38 ათასი აბიტურიენტიდან, ბარიერი ზოგად უნარებში 13%-მა ვერ გადალახა. 80 ქულა მხოლოდ ერთმა აბიტურიენტმა მიიღო.

შეფასებისა და გამოცდების ეროვნული ცენტრის ინფორმაციით, აბიტურიენტებს ფაკულტეტისა და უნივერსიტეტის დამატება ან წაშლა აპელაციის შედეგების გამოქვეყნების შემდეგ კიდევ ერთი დღის განმავლობაში შეეძლებათ.