(რეზონანსი) იუსტიციის სახლის თანამშრომელი ია გოშაძე სოციალურ ქსელში ფოტოს და გულისამაჩუყებელ სტატუსს ავრცელებს. კერძოდ, ის ამ ფოტოზე გამოსახულ ბებო და პაპასთან დაკავშირებით წერს:

"ქმარი დაკარგა იუსტიცის სახლში და ტიროდა... ვერ წყნარდებოდა სოფლიდან ვართ გზა არ იცისო.. ვერც ურეკავდა, რა ეცვა იმასაც ვერ იხსენებდა.. დაახლოებით ნახევარი საათის მერე იპოვეს ერთმანეთი და მივარდა ტირილით, რას მანერვულეო. ბაბუა იცინოდა: რა იყო ქალო, 6 წელი კი მადევნინე თავი უკრაინაში და ახლა შენ მეძებეო. . მერე მომიტრიალდა და იცოდე პატარას და მოხუცს ჩვილის გული აქვთო".