(რეზონანსი) 5 აგვისტოდან 7 აგვისტომდე დასავლეთ საქართველოს ტერიტორიაზე, მათ შორის, ზღვისპირა ქალაქებში გამოიდარებს. გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოში ამბობენ, რომ 8 და 9 აგვისტოს კვლავ გაწვიმდება.

5-7 აგვისტოს დასავლეთ საქართველოში, ჰაერის მაქსიმალური ტემპერატურა 27-29 გრადუსი იქნება. აღმოსავლეთ საქართველოში კი, 34-36 გრადუსია მოსალოდნელი.

აღმოსავლეთ საქართველოში 6 და 7 აგვისტოს ღამის საათებში ხანმოკლე წვიმაა მოსალოდნელი. იწვიმებს თბილისშიც, 5 აგვისტოს კი, უმეტესად უნალექო ამინდი იქნება.