სამართალდამცავებმა ათენში ჩატარებული სპეცოპერაციისას 40 წლის ნინო ინაიშვილი იმ დროს აიყვანეს, როდესაც ის 4 დღის ჩვილ გოგონას ყიდიდა. ბავშვებით ვაჭრობის სქემა პოლიციის ოფიცრებმა გაშიფრეს, რომლებმაც ინაიშვილს თავი ბავშვის ყიდვის მსურველებად გააცნეს. ბერძენი სამართალდამცველების მტკიცებით, ქართველ ქალს მყიდველებსა და გამყიდველებს შორის შუამავლის ფუნქცია ჰქონდა.

ნინო ინაიშვილის დედა "რ2"-თან ადასტურებს, რომ მისი შვილი წლებია, საბერძნეთში ხელოვნური განაყოფიერების ცენტრში მუშაობს და მთავარი მოვალეობა სწორედ სამედიცინო დაწესებულებაში მისულ კლიენტებთან ურთიერთობაა.

ქართველის დაკავების შესახებ ინფორმაციას ადასტურებს საქართველოს საელჩო. ბერძნული მედიის ინფორმაციით, საქართველოს მოქალაქესთან ერთად, სპეცოპერაციის დროს დააკავეს დანაშაულებრივი ჯგუფის კიდევ 8 წვერი. ისინი ბულგარეთის მოქალაქეები არიან.