სიღნაღში ზიპლაინი გაიჭედა, 3 ადამიანი, მათ შორის მცირეწლოვანი ჰაერში იყო გაჩერებული. არსებული ინფორმაციით აღნიშნული მომსახურებით ოჯახი სარგებლობდა, ისინი სიმაღლიდან დაეშვნენ თუმცა მოულოდნელად ზიპლაინი გაიჭედა და რამდენიმე წუთი ჰაერში მოუწიათ ყოფნა. ადგილობრივი ჰყვება, რომ "იყო პანიკური ვითარება, ადგილზე გამოიძახეს სამაშველო სამსახური, თუმცა კომპანიის თანამშრომლებმა დროულად მოახერხეს რეაგირება და ჰაერში დარჩენილი ადამიანები მიწაზე დასვეს".