თავისუფლების მოედანზე რესტორან "მაჭახელაში" 7 აგვისტოს აქციის "10 წელი ოკუპაციიდან"  მონაწილეებს მაგიდიდან პუტინის ტრანსპარანტის აღება მოსთხოვეს:

"რუსეთის მიერ ცხვინვალის რეგიონის ოკუპირების 10 წლის თავზე ქართულ რესტორან "მაჭახელაში" თავისუფლების მოედანზე ჯერ მოგვიგზავნეს მიმტანი, შემდეგ მენეჯერი, შემდეგ დაცვა, შემდეგ დაცვის უფროსები თხოვნით, რომ მაგიდიდან აგვეღო აქციიდან წამოღებული პუტინის ტრასპარანტი. მიზეზი: მაჭახელა არ არის პროტესტის გამოხატვის ადგილი, იქნებ ვინმე რუსი "პატრიოტი" შემოვიდეს... მიუხედავად იმისა, რომ ჩვენ მაგიდასთან მოვიდნენ იქ მსხდომი რუსი ტურისტები და ოდნავ დარცხვენით გვითხრეს, რომ რუსეთიდან არიან და მათაც არ უყვართ პუტინი.

პროფესიული რჩევა მივეცით, რომ გაცილებით ძვირი დაუჯდებოდათ ეს საქციელი, ვიდრე რამდენიმე "პატრიოტი" რუსი სტუმრის წყენინება" - წერს აქციის ერთ ერთი მონაწილე ანი გვათუა.