მამა პეტრე კოლხი აგვისტოს ომის 10 წლისთავს ეხმიანება:
"რეალურად ყველაზე დიდი დამპყრობელი ის აღმოჩნდა, ვისაც საშველად მოვუხმეთ. მან ქრისტიანობა უღმერთოდ გამოიყენა და შეეცადა, ჩვენთვის დაედგა მონობის უღელი. ტერიტორიებს გლეჯდა შაგრენის ტყავივით, სულის მორევა არ შეეძლო...
გვატყვევებდა, მაგრამ თავად იყო ბოროტების, აგრესიის, სიძულვილის, სისხღლისღვრის ტყვე. ჩვენი ქვეყნის სამხრეთით ერთმორწმუნე ბიზანტიის იმპერია არსებობდა, სწორედ გაუმაძღრობის და იმპერიალისტური მიდრეკილებების გამო, მისგან აღარაფერი დარჩა... იგივე ბედი ეწევა ყველას, ვინც ქრისტეს სახელს ამოფარებული ტირანია... რუსეთი გვაძლევს მაგალითს, როგორი არ უნდა იყოს ქრისტიანი...
მაგრამ ,,როცა ერს ამდენი მოღალატე ჰყავს, მაკედონელიც ვერ გაამარჯვებინებს მას", - წერს მამა პეტრე.