იუსტიციის მინისტრმა თეა წულუკიანი ამბობს, რომ მთავრობის პოზიცია არის ერთადერთი და უცვლელი - რუსეთმა დაიწყო ომი საქართველოს წინააღმდეგ! მისი თქმით, ამ პოზიციას საქართველოს სახელმწიფო სტრასბურგში, ევროპული სასამართლოს წინაშე და ჰააგის სასამართლოს გამოძიების ფარგლებში იცავს.

„ეს არის ის პოზიცია, რომელსაც საქართველოს სახელმწიფო, ქართველი ხალხი, მისი მთავრობა და მთავრობის სახელით იუსტიციის სამინისტრო იცავს სტრასბურგში ევროპული სასამართლოს წინაშე და ჰააგის სასამართლოს გამოძიების ფარგლებში. ეს პოზიცია არის შემდეგი, რომ რუსეთმა დაიწყო საქართველოს წინააღმდეგ ომი“, – განაცხადა თეა წულუკიანმა.