უბედური შემთხვევა მოხდა ცოტა ხნის წინ რუსთავში. 21-ე მიკრორაიონის ერთ-ერთი მრავალსართულიანი კორპუსის მე-4 სართულის ფანჯრიდან 2 წლის გოგონა გადავარდა. ბავშვი ოჯახის წევრებმა უგონო მდგომარეობაში თბილისში გადაიყვანეს. სამწუხაროდ, იგი საავადმყოფოში მიყვანამდე გარდაიცვალა. 

როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 116-ე მუხლითაა დაწყებული, რაც გაუფრთხილებლობით სიცოცხლის მოსპობას გულისხმობს.