(რეზონანსი) საქართველოდან გერმანიაში თავშესაფრის მაძიებელთა რაოდენობა ისევ იკლებს. გერმანიის მიგრაციისა და ლტოლვილთა ფედერალური სამსახურის მონაცემებით, 2018 წლის ივლისში გერმანიას თავშესაფარი საქართველოს 175-მა მოქალაქემ სთხოვა.

ოფიციალური მონაცემების თანახმად, გერმანიაში თავშესაფარი 2018 წლის იანვარ-ივლისში საქართველოს 2625-მა მოქალაქემ მოითხოვა. ეს რაოდენობა მთლიანი მაჩვენებლის 2.6%-ია.

2018 წლის იანვარ-ივნისში, ევროპის ოთხ ქვეყანაში საქართველოს 3 527-მა მოქალაქემ მოითხოვა თავშესაფარი. მათ შორის ყველაზე მეტმა, საქართველოს 2485-მა მოქალაქემ თავშესაფარი გერმანიას სთხოვა.

გერმანიამ უახლოეს პერიოდში შესაძლოა საქართველო, ტუნისი, მაროკო და ალჟირი უსაფრთხო ქვეყნებად აღიაროს, რაც ამ სახელმწიფოებიდან თავშესაფრის განაცხადების დამუშავების პროცესს დააჩქარებს.