სოფელ მლეთაში ევაკუაცია გამოცხადდა, ადიდებულმა არაგვმა ჯებირები გაანგრია და კალაპოტი შეიცვალა. მაშველები ცდილობენ ხალხი ადიდებული მდინარის მიმდებარე ტერიტორიიდან უსაფრთხო ადგილას გაიყვანონ. ხეობაში სპეცტექნიკა მუშაობს და მდინარის ძველ კალაპოტში დაბრუნებას ცდილობს. ხეობაში მეწყერიც ჩამოწვა. მაშველებმა ასევე 7 ტურისტული ჯგუფის ევაკუაციაც მოახდინეს.