ხორავას ქუჩაძე მოკლული დავით სარალიძის მამა სექტემბრიდან აქციების დაწყებას აანონსებს. „ბრძოლას ვაგრძელებ სამართლებრივად, წიწილებს შომოდგომაზე ითვლიან და სექტემბრიდან ვიწყებ ფართომასშტაბიან აქციებს“, – განაცხადა ზაზა სარალიძემ.

სარალიძე თბილისის საქალაქო სასამართლოს დღევანდელ გადაწყვეტილებასაც ეხმაურება, რის შედეგადაც ხორავას ქუჩის საქმესთან დაკავშირებით მოსამართლემ 3 პირი სასამართლოს დარბაზიდან გირაოს სანაცვლოდ გაათავისუფლა. სამივე მათგანს დანაშაულის დაფარვის ბრალდება ჰქონდა წაყენებული. მოსამართლის ამ გადაწყვეტილებას პროკურატურა არ ეთანხმება.

„ეს იყო მეტისმეტი და გადაჭარბებული,” – ასე შეაფასა ზაზა სარალიძემ მისი შვილის მკვლელობაზე დანაშაულის დაფარვაში ბრალდებულების გათავისუფლება.