(რეზონანსი) განათლების, მეცნიერების, კულტურის და სპორტის სამინისტროს ინფორმაციით, ამ დროისთვის საჯარო და კერძო სკოლებში სულ 50 014 პირველკლასელია დარეგისტრირებული, მათგან საჯარო სკოლებში 49 432, ხოლო კერძოში 5 892 პირველკლასელი.

სამინისტროს ცნობით, მონაცემები შესაძლოა მცირედით შეიცვალოს.

პირველკლასელთა რეგისტრაცია 10 აპრილს დაიწყო და სამ ეტაპად მიმდინარეობს.

2018-2019 სასწავლო წელს, ზოგადი განათლების დაწყებით საფეხურზე სწავლის დაწყების უფლება აქვთ იმ მოსწავლეებს, რომელთა ასაკი შეესაბამება კანონით განსაზღვრულ მოთხოვნებს, ანუ სწავლის დაწყებისთვის უსრულდებათ 6 წელი. აღმოჩნდა, რომ წელსაც ამ მოთხოვნის გამო სკოლის გარეთ დაახლოებით 13 862 ბავშვი დარჩა.

2018-2019 სასწავლო წელი 17 სექტემბერს დაიწყება.