აბაშის მუნიციპალიტეტის სოფელი წყემიდან მაშველებმა 77 წლის ლამარა სართანია და 87 წლის ლინდა კუპრეიშვილი გადაარჩინეს.

"დაახლოებით 7 საათისთვის საშინელი წვიმა წამოვიდა. გარეთ ვერ გავდიოდით. გვეშინოდა. მაშველებმა მკლავებში ჩაგვიხუტეს და სამშვიდობოს გაგვიყვანეს. აწი სიკვდილის არ მეშინია, თურმე პატრონი გვყოლია"- აცხადებენ ქალბატონები.

ცნობისთვის, წუხელ ძლიერმა წვიმამ პრობლემები შექმნა სამეგრელოს რამდენიმე მუნიციპალიტეტში. უხვმა ნალექმა ყველაზე მეტად აბაშისა და სენაკის მუნიციპალიტეტები დააზარალა. ადიდებულმა მდინარებმა და ღელეებმა საკარმიდამო ნაკვეთები და საცხოვრებელი სახლები დატბორა.