ქვემო ქართლში მომხდარი გახმაურებული მკვლელობა გახსნილია - სამართალდამცველებმა 24 წლის ახალგაზრდა დააკავეს. მას საკუთარი ბიძაშვილის განზრახ მკვლელობასა და ცეცხლსასროლი იარაღის მართლსაწინააღმდეგო შეძენა-შენახვაში ადანაშაულებენ. მკვლელობა მარნეულის მუნიციპალიტეტის შულავერის თემის სოფელ სეიდგოჯალოს ტყეში, მოხდა, რის შემდეგაც ბრალდებული მიიმალა. პოლიციამ დანაშაულის ჩადენის იარაღი, სანადირო თოფი, ნივთმტკიცებად ამოიღო. დაკავებული ჩადენილ დანაშაულს აღიარებს.