ბათუმში, აღმაშენებლის ქუჩაზე მომხდარი ავტოსაგზაო შემთხვევის შედეგად სამი ადამიანი დაშავდა. თვითმხილველების თქმით, მსუბუქი ავტომობილი გაჩერებულ მანქანას შეეჯახა და ამოტრიალდა.

დაშავებულებს შორის 2 ბავშვია და ერთი მამაკაცი. მამაკაცი სასწრაფო დახმარების ბრიგადამ ბათუმის საერთაშორისო საუნივერსიტეტო ჰოსპიტალში გადაიყვანა, ბავშვები კი ბათუმის დედათა და ბავშვთა დაცვის ცენტრში მიიყვანეს. ექიმების შეფასებით, მათ სიცოცხლეს საფრთხე არ ემუქრება.