ეროვნული ვალუტა გაუფასურებას აგრძელებს. მიუხედავად იმისა, რომ ჯერ კიდევ 2 დღის წინ მთავრობისა და საბანკო ასოციაციის წევრები საგანგაშოს ვერაფერს ხედავდნენ და ლარის დასტაბილურებასაც პროგნოზირებდნენ,  ვითარება დადებითისკენ არ შეცვლილა. "ბლუმბერგის" სავაჭრო სისტემაში 1 ლარი ამჟამად 2,5550 დოლარი ღირს, ცოტა ხნის წინ კი კურსი 2,57-მდეც იყო ასული.

ექსპერტები ვალუტის კურსის ცვლილების მიზეზად მეზობელ ქვეყნებში არსებულ ვითარებას ასახელებენ. თურქული ლირა და რუსული რუბლი გაუფასურდა, რასაც გავლენა აქვს საქართველოზეც. პარასკევიდან მოყოლებული თურქული ლირა კატასტროფულად დაეცა. 1 დოლარი უკვე 7 ლირა ღირს. შეიძლება ითქვას,  მეზობელი ქვეყანა ფინანსური კოლაფსის პირასაა.