საქართველოდან  თურქეთში ყოველდღიურად ათეულობით ადამიანი გადადის მედიკამენტების შესაძენად. ამის მიზეზი ისაა, რომ საქართველოში წამალი გაცილებით ძვირია, ვიდრე თურქეთში. ამ მოქალაქეების თქმით, ამას კიდევ ერთი განსაკუთრებული მიზეზი აქვს - „ცარცია საქართველოში ნაყიდი წამლები“, ანუ უხარისხო და არაეფექტურია!

"წამლები, რომელშიც ჩემს ქვეყანაში 187 ლარი უნდა გადამეხადა ისიც საეჭვო ფასდაკლებით, თურქეთში ვიყიდე 63 ლარად ყველა ერთად! ამასთან ზუსტად ვიცი, რომ ცარცი და სხვა ნივთიერება არ შემრჩება ხელში, აქედან ერთ-ერთი 7 ლარი ღირდა, როცა ჩვენს სააფთიაქო ქსელში 58 ლარი ღირს. მესმის გააორმაგო, მაგრამ გააათმაგო?" – წერს ბათუმში მცხოვრები კობა ფარტენაძე "ფეისბუქზე" და თურქეთში ნაყიდი წამლების ფოტოს ურთავს.