(რეზონანსი) ორი თვის წინ რუსთაველზე მიმდინარე აქციაზე გაკეთებული განცხადების გამო, მალხაზ მაჩალიკაშვილი სუს-ში დაკითხვაზე დაიბარეს.

როგორც სუს-ში განაცხადეს, მაჩალიკაშვილი დაკითხვაზე კონტრტერორისტულ ცენტრში მიმდინარე გამოძიების ფარგლებშია დაბარებული, რომელიც ტერორისტული აქტის მომზადების მუხლით მიმდინარეობს.

უწყებაში განმარტავენ, რომ გამოძიებას საფუძვლად თავად მაჩალიკაშვილის საჯარო განცხადება დაედო, რომლის თანახმადაც მაჩალიკაშვილი თანამოაზრეებთან ერთად სუს-ში შესვლას და თავის აფეთქებას გეგმავდა.