(რეზონანსი) მოსკოვში მოძრაობა „მემარცხენე ფრონტის" კოორდინატორი, რუსი ოპოზიციონერი სერგეი უდალცოვი დააკავეს.

მისი თქმით, სამართალდამცველებმა ის განყოფილებაში პროტოკოლის შესადგენად გადაიყვანეს მიტინგის გამო, რომელიც საპენსიო ასაკის გაზრდასთან დაკავშირებით გაიმართა.

28 ივლისს მოსკოვში საპენსიო ასაკის გაზრდის წინააღმდეგ საპროტესტო აქცია გაიმართა, რომლის ერთ-ერთი მთავარი მხარდამჭერი სწორედ მოძრაობა „მემარცხენე ფრონტი" იყო.

გამართულ აქციაზე, სხვადასხვა მონაცემებით, 6,5-დან 12 ათასამდე ადამიანი შეიკრიბა.