თურქეთში ავარიის შედეგად დაშავებული საქართველოს ორი მოქალაქის ჯანმრთელობის მდგომარეობა სტაბილურად მძიმეა. ტრაპიზონში საქართველოს გენერალური საკონსულოს ინფორმაციით, კიდევ ერთ დაშავებულს ოპერაცია უკვე ჩაუტარდა და ამ დრომდე რეანიმაციაში რჩება. სამივე მათგანი აჭარის მთიანეთიდანაა.

პაციენტებს არ აქვთ დაზღვევა, ამიტომ აქტიური მოლაპარაკებები მიმდინარეობს, რომ ხარჯის დაფარვა არ მოუწიოთ დაზარალებულებს. ისინი მკურნალობას კერძო კლინიკაში გადიან. 

ავარია ტრაპიზონში, დაახლოებით ღამის 3 საათზე მოხდა. მიკროავტობუსის მძღოლი დაკავებულია.