იტალიის ქალაქ გენუაში საავტომობილო ხიდის ჩამონგრევის შედეგად დაღუპულთა რაოდენობა 38-მდე გაიზარდა, მათ შორის სამი არასრულწლოვანია. ამჟამად, 16 ადამიანი საავადმყოფოშია გადაყვანილი, მათ შორის 12 - კრიტიკულ მდგომარეობაშია.

იტალიის ტრანსპორტის მინისტრის დანილო ტონინელის განცხადებით, წინასწარი ინფორმაციით, ხიდის ჩამონგრევა ექსპლუატაციის ნორმების დარღვევამ გამოიწვია.

გუშინ შუადღისას, ქალაქ გენუაში საავტომობილო ხიდი ჩაინგრა, რომელიც 1963-67 წლებში ააშენეს. ჩამონგრეული ხიდის სიგრძე დაახლოებით 200 მეტრია. ხიდის სიგრძე 1.1 კმ-ია, ხოლო სიმაღლე 45 მ.