(რეზონანსი) საფეხბურთო კლუბ „ბორჯომის" მოთამაშე თედო კაკულია ტრაგიკულად გარდაიცვალა.

ახალგაზრდა ფეხბურთელი ეროვნული ლიგა 3-ის მატჩის შემდეგ მოტოციკლით მოძრაობდა, როდესაც კედელს შეასკდა.

„დიდი ტრაგედია მოხდა, არამარტო ჩვენს გუნდისთვის, არამდედ ყველასთვის - ჩვენი გუნდის ფეხბურთელო თედო კაკულია გარდაიცვალა, ვუსამძიმრებთ თედოს ოჯახს და დიდ გულისტკენას განვიცდით, მადლობა თედო ყველაფერისთვის" - წერია საფეხბურთო კლუბ „ბორჯომის" განცხადებაში.

23 წლის თედო კაკულია თბილისის „დინამოს" ასაკობრივ გუნდებში გამოდიოდა. უთამაშია „სამტრედიაში", გასულ სეზონში ირიცხებოდა ზესტაფონის „მარგვეთში", ზაფხულიდან კი - ფოთის „კოლხეთში". კაკულია „ბორჯომში" წელს გადავიდა.