ორი დღეა ბათუმში  სტრატოკუმულუსის სახეობის ღრუბლების მასები ვრცელდება. მეტეოროლოგი კობა ფარტენაძე განმარტავს, რომ ეს არის საერთაშორისო ღრუბლების ატლასში შესული ერთ-ერთი ლამაზი სახეობა. ის დედამიწის ზედაპირთან ახლოს მყოფი ღრუბელთა ნაკადია, რომელიც გადაჭიმულია ვრცელ მანძილზე და ხშირ შემთხვევაში მზის ჩასვლისას წარმოიქმნება. მისთვის დამახასიათებელია ღრუბელის უწყვეტი ფენა, რომელსაც სხვადასხვანაირი ფორმა აქვს. ის შესაძლოა იყოს, ფერადიც და მუქი ნაცრისფერიც. მას ზოგჯერ თან ახლავს მცირე ინტენსივობის წვიმა, თუმცა ის იმეტესად ანტიციკლონის გამყარების დროს წარმოიქმნება, რომელიც კარგი ამინდს განაპირობებს.

მისივე თქმით, ლამაზი ღრუბლების ნახვა მომდევნო დღეებშიც იქნება შესაძლებელი.