აშშ და ევროკავშირი საქართველოში საპრეზიდენტო არჩევნებით უფრო მეტად რომ ყოფილიყვნენ დაინტერესებული და მასში უფრო აქტიურად ჩართული, არჩევნებზე გამარჯვების მთავარი კანდიდატები და მთავარი კონკურენტები მოქმედი პრეზიდენტი გიორგი მარგველაშვილი და პარლამენტის ყოფილი თავმჯდომარე დავით უსუფაშვილი იქნებოდნენ. ამის შესახებ „რეზონანსთან“ ინტერვიუში პოლიტოლოგმა სოსო ცისკარიშვილმა განაცხადა.

„მე დარწმუნებული ვარ, რომ ჩვენი პრეზიდენტის არჩევნებში ჩართული რომ ყოფილიყო ევროპა და ამერიკის შეერთებული შტატები, კონკურენცია შეიძლებოდა ყოფილიყო დღევანდელ პრეზიდენტსა და უსუფაშვილს შორის. ასეთი დაპირისპირება, დარწმუნებული ვარ, არ შედგება, რადგან ისინი ერთიანი შეხედულებების და პერსპექტივის რეალიზაციას ახდენენ“, - აცხადებს ცისკარიშვილი.

სრულად ეს ინტერვიუ შეგიძლიათ იხილოთ „რეზონანსის“ პარასკევის, 17 აგვისტოს ნომერში.