სოციალურ ქსელში ვრცელდება ფოტოები, სადაც ჩანს, რომ საქართველოს ნაკრების მოჭიდავეებმა და გუნდის მთავარმა მწვრთნელმა, ფოტო რუსეთის დროშის ფერებიან მაისურში დე ფაქტო ოსეთის დეპუტატთან ერთად გადაიღეს. ძამოლატ თედეევი რუსეთის ნაკრების მთავარი მწვრთნელი და დე ფაქტო ოსეთის პარლამენტის დეპუტატია.

თედეევი ცხინვალში დაიბადა და წარსულში საბჭთა კავშირის ჩემპიონი და ევროპის ჩემპიონატის ორგზის გამარჯვებულია.

საქართველოს ჭიდაობის ნაკრების მთავარი მწვრთნელი ადასტურებს, რომ ფოტოებში თავად არის მოჭიდავეებთან ერთად და აცხადებს, რომ ძამოლატ თედეევი საქართველოშია დაბადებული, მათი მეგობარია და სწორედ მის მხარდასაჭერად ჩაიცვეს აღნიშნული მაისურები.

თავად მოჭიდავეები აღნიშნულ ფაქტთან დაკავშირებით კომენტარს არ აკეთებენ.