სოციალურ ქსელში გავრცელებულ ფოტოსთან დაკავშირებით, რომელშიც ნაკრების წევრები რუსეთის დროშის ფერებიან მაისურში არიან გამოწყობილნი, გენო პეტრიაშვილი განცხადებას საკუთარ ფეისბუქის გვერდზე ავრცელებს. პირველი არხი ქართველი სპორტსმენის განცხადებას უცვლელად გთავაზობთ –

„მოგესალმებით. სოციალურ ქსელებში გავრცელებულ ჩემი და ჩემი თანაგუნდელების ფოტოსთან დაკავშირებით მინდა ვთქვა. ფოტო გადაღებულია 2018 წლის ევროპის ჩემპიონატზე დაღესტანში, სადაც ჯაბო თედეევმა გვთხოვა ფოტოს გადაღება თავისივე გამოსახულებიან მაისურით და ჩვენ მეგობრულად დავთანხმდით რადგან ჩვენი დიდი გულშემატკივარია და ვმეგობრობთ. მსგავსი მაისურები სუვენირების სახით არის ყველა ჩემპიონატზე. ამ მაისურზე გამოსახულია ჩვენი მეგობარი მოჭიდავე და მხოლოდ ამის გამო გადავიღეთ ეს ფოტო, ეს იყო მხოლოდ მეგობრული ჟესტი. მერწმუნეთ, არ მიმიქცევია ყურადღება მაისურის ფერისთვის“.