მსახიობ ზუზუ ბეჟაშვილის გარდაცვალების ზუსტი მიზეზი ჯერჯერობით უცნობია. მეგობრები კონკრეტულ ვერსიებზე ვერ საუბრობენ, თუმცა აცხადებენ, რომ მსახიობს ბოლო პერიოდში ჯანმრთელობის პრობლემები ჰქონდა. ამჟამად ცხედარი ლევან სამხარაულის ექსპერტიზის ბიუროშია.
მსახიობის მეგობარი მაკა რაზმაძემ მედიასთან ზუზუ ბეჟაშვილის ცხედრის პოვნის დეტალებზე საუბრობს:
„აქ მცხოვრებმა ლიფტი გამოიძახა და არ ჩამოდიოდა ლიფტი, ავიდა და მესამე სართულზე იყო, ნახევრად ფეხები ჰქონდა გარეთ. გამოიყვანა, ეცადა მოსულიერებას, ხელოვნური სუნთქვა გაუკეთა, მაგრამ, სამწუხაროდ, გვიან იყო უკვე ძალიან,“ – განაცხადა მაკა რაზმაძემ.
საქმეზე გამოძიება თვითმკვლელობამდე მიყვანის მუხლით მიმდინარეობს.