„არ მგონია, რომ ზუზუ ვინმეს მოეკლა. ის უყვარდა მთელ საქართველოს და ვის უნდა მოეკლა?! გამორცხული ამქვეყნად არაფერია, მაგრამ თვითმკვლელობა გამორიცხულია,“ - აცხადებს სერიალის „ჩემი ცოლის დაქალების“ მსახიობი ზურა ნიჟარაძე ზუზუ ბეჟაშვილის გარდაცვალებაზე "რეზონანსთან" საუბრისას.

„ეს ბიჭი მთელი ცხოვრება ითხოვდა დახმარებასა და შველას, მაგრამ ვისაც შეგვეძლო დავხმარებოდით, არავინ დავეხმარეთ და მათ შორის არც ჩვენ. ყველა მისი სამეგობარო თავს ვიდანაშაულებთ.

„სოციალურ პრობლემებთან ერთად შემოქმედებითი ჩავარდნაც ჰქონდა; არსებობს ცხოვრებაში მომენტი, როდესაც როლიც შემოგაკლდება და ფულიც. ამ ადამიანს ყველაფერი შემოაკლდა და  შველას ითხოვდა,“ - განაცხადა ზურა ნიჟარაძემ.