ოკეანეში პანამის დროშის ქვეშ მცურავი გემი დაკარგულია, რომელზეც 17 ქართველი მეზღვაური იმყოფება. საქართველოს საგარეო საქმეთა სამინისტროს ინფორმაციით, ტანკერი Pantelena IMO 9321469 ახდენდა ნავთობის ტრანსპორტირებას და მასთან კავშირი 14 აგვისტოს გაწყდა.

"გემთმფლობელი ბერძნული კომპანია Lotus Shipping აწარმოებს მოძიების სამუშაოებს. საგარეო საქმეთა სამინისტრო ეკონომიკისა და მდგრადი განვითარების სამინისტროს საზღვაო ტრანსპორტის სააგენტოსთან ერთად კოორდინირებულად მუშაობს გემთმფლობელ კომპანიასთან ვითარების გარკვევის მიზნით. ასევე, აქტიურად ვმუშაობთ პანამის დროშის ორგანიზაციასთან. საქმეში ჩართულია როგორც რეგიონის საზღვაო სამხედრო ძალები, ასევე გაერთიანებული სამეფოს საზღვაო ცენტრი", - აცხადებენ საგარეო საქმეთა სამინისტროში.