წუხელ ბათუმში, სასტუმრო „ორბში“ ძლიერი დაკვამლიანება იყო. ღამით სასტუმროსთან სახანძრო სამაშველო ბრიგადები იყვნენ მობილიზებული.

ხანძრის გამო სასტუმროდან ხალხის ევაკუაცია განხორციელდა. შემთხვევის შედეგად არავინ დაშავებულა. არსებული ინფორმაციით, დაკვამლიანება მომსახურე პერსონალის (დამლაგებლის) ოთახიდან ვრცელდებოდა.

შეგახსენებთ, რომ შარშან ნოემბერში ბათუმში მდებარე სასტუმრო "ლეოგრანდეში" დიდი ხანძრი გაჩნდა, შედეგად დაიღუპა 11 ადამიანი. სასტუმრო "ლეოგრანდეს" შენობა უსაფრთხოების ნორმებთან შეუსაბამობის გამო, გუშინ 18.00 საათზე საგანგებო სიტუაციების სამსახურმა დალუქა.