(რეზონანსი) განათლების, მეცნიერების, კულტურისა და სპორტის მინისტრმა მიხეილ ბატიაშვილმა საქართველოს მოჭიდავეთა ნაკრების მწვრთნელის და ნაკრების წევრების მიერ რუსეთის დროშის ფერებში შეკერილი, მაისურების ჩაცმასთან დაკავშირებით ისაუბრა და გაანცხადა, რომ ეს დაუფიქრებელი ნაბიჯი იყო.
„თემა იმდენად სენსიტიურია, რომ ჯობია წინასწარ დავფიქრდეთ, ვიდრე ასეთ ნაბიჯს გადავდგამთ. ვფიქრობ, რომ სპორტსმენებმა გააცნობიერეს ეს ნაბიჯი და მოიხადეს ბოდიში", - განაცხადა მინისტრმა.
სოციალურ ქსელში გავრცელდა ფოტო, რომელზეც ჩანს, რომ საქართველოს მოჭიდავეთა ნაკრების წევრებმა და გუნდის მთავარმა მწვრთნელმა რუსეთის დროშის ფერებიან მაისურებში ოკუპირებული ცხინვალის დე ფაქტო დეპუტატთან, ჯამბულატ თადეევთან ერთად გადაიღეს.