საგანგებო სიტუაციების სამსახურის ინფორმაციით, ამჟამად ძლიერი წვიმის შედეგად, წყნეთში, დამეწყრილ ტერიტორიაზე ნიაღვარი მოედინება.

უწყების ცნობით, წყლის დაგუბების საშიშროება არ არსებობს. ადგილზე მობილიზებულია სახანძრო-სამაშველო სამსახური.

„მუდმივი მონიტორინგის რეჟიმშია თბილისში არსებული ყველა პატარა მდინარე. წყლის დონე მდინარეებზე სტაბილურია და მოსახლეობისთვის საფრთხეს არ წარმოადგენს.

ყველა შესაბამისი სამსახური მობილიზებული და კოორდინაციის რეჟიმშია“, – აცხადებენ უწყებაში.

ამ დროისთვის დედაქალაქში ნალექმა დაიკლო.