(რეზონანსი) 12 წლის გოგონამ ლეღვის ნახარშით მე-2 ხარისხის დამწვრობა მიიღო. მოზარდი იმერეთის რეგიონიდან დამწვრობის ცენტრში გუშინ, გვიან ღამით შეიყვანეს.

დამწვრობის ცენტრის ხელმძღვანელის გუგა ქაშიბაძის განცხადებით, მოზარდს სხეულის 40% აქვს დამწვარი, კერძოდ გულ-მკერდი, მუცელი და ქვემო კიდურები.

„პაციენტს დღეს დილით ნარკოზით შეხვევა ჩაუტარდა და იგი ქირურგიულ განყოფილებაში მოთავსდა. მისი ჯანმრთელობის მდგომარეობა სტაბილურია", - განაცხადა ქაშიბაძემ.

მისივე ინფორმაციით, წელს ლეღვის ნახარშით მიღებული დამწვრობის სულ 5 შემთხვევა ფიქსირდება.