(რეზონანსი) „გირჩის" საპრეზიდენტო კანდიდატი ზურაბ ჯაფარიძე, სოციალურ ქსელში შავი ზღვის საერთაშორისო უნივერსიტეტის გარშემო განვითარებულ მოვლენებს ეხმაურება და აცხადებს, რომ განათლების, მეცნიერების, კულტურისა და სპორტის სამინისტრო უნდა გაუქმდეს.

„IBSU-სთან დაკავშირებით განათლების, მეცნიერების, კულტურისა და სპორტის სამინისტრო უნდა გაუქმდეს! განათლება უნდა გათავისუფლდეს! თუ ვინმეს აქვს ამბიცია რომ ზუსტად იცის როგორ უნდა აღიზარდოს მომავალი თაობა - სამინისტროდან ქუჩაში, და გახსნან საკუთარი სკოლები / უნივერსიტეტები! ესაა ჩემი პოზიცია", - წერს ჯაფარიძე სოციალურ ქსელში.

შეგახსენებთ, რომ შავი ზღვის საერთაშორისო უნივერსიტეტს სტუდენტების ახალი ნაკადის მიღება 1 წლით აეკრძალა.