(რეზონანსი) ბოლო ერთი კვირაა პურის მწარმოებელ კომპანიებს და კერძო მეწარმეებს ფქვილში 8 ლარით მეტის გადახდა უწევთ, რამაც შესაძლოა გამოიწვიოს პურზე ფასის მატება.

ექსპერტები ფასის მატებას არც სხვა პროდუქტებზე გამორიცხავენ.

„ძალიან სერიოზული მატებაა. დაახლოებით საუბარია 30- 35% მატებაზე. მეორე ფაქტორია ლარის კურსის გაუარესება და მესამე ბუნებრივი გაზის ე.წ. კომერციული საფასურის ზრდა, რომელიც წინა კვირაში დაანონსდა" - ამბობს ექსპერტი, „ახალი ეკონომიკური სკოლა - საქართველოს" ვიცე-პრეზიდენტი გია ჯანდიერი „რუსთავი 2" - თან.