(რეზონანსი) ქვეყნის მასშტაბით, 2018 წლის პირველ კვარტალში ავტოავარიებს 107 ადამიანი ემსხვერპლა, - ამის შესახებ დაავადებათა კონტროლისა და საზოგადოებრივი ჯანდაცვის არაგადამდებ დაავადებათა დეპარტამენტის უფროსმა, ლელა სტურუამ განაცხადა.

მისივე თქმით, 2018 წლის სამ თვეში 1428 ავტოსაგზაო შემთხვევა მოხდა და აქედან 54 სიმთვრალით იყო გამოწვეული.

ლელა სტურუას განცხადებით, გასულ წლებში საგზაო სატრანსპორტო შემთხვევების დროს გარდაცვლილთა შორის, ნასვამ მდგომარეობაში ავტომობილის მართვას ემსხვერპლა 9-12%.