გორში კლინიკა „გორმედში“ ობობას ნაკბენით გამოწვეული ინტოქსიკაციით ორი პაციენტი მოათავსეს. მათ აღენიშნებოდათ მუცლისა და კიდურების არეში ძლიერი ტკივილი და გართულებული ჰქონდათ სუნთქვა.

სპეციალისტები ცდილობენ გაარკვიონ, რომელი სახეობის ობობამ დაკბინა მოქალაქეები. ისინი ვარაუდობენ, რომ კლინიკური ნიშნების მიხედვით, იგი „შავი ქვრივი“ უნდა ყოფილიყო, რომლის პოპულაციის არეალად შიდა ქართლიც ითვლება. ასეთი ობობა შხამიანია და ზოგჯერ მისი ნაკბენი ადამიანისთვის მომაკვდინებელია.